Mae rhai adnoddau allanol defnyddiol am ddychwelyd i’r gwaith wrth fwydo ar y fron wedi’u rhestru isod.
Mae Maternity Action yn gweithio i roi terfyn ar anghydraddoldeb a hyrwyddo iechyd a lles pob menyw feichiog, eu partneriaid a’u plant, o’r cyfnod cyn beichiogi hyd at flynyddoedd cynnar y plentyn. Mae gan y sefydliad lawer o wybodaeth benodol am eich hawliau os ydych chi eisiau parhau i fwydo ar y fron pan fyddwch chi’n dychwelyd i’r gwaith. Mae rhagor o wybodaeth ar gael yma.
Mae’r Awdurdod Gweithredol Iechyd a Diogelwch yn darparu gwybodaeth am fwydo ar y fron a dychwelyd i’r gwaith ar gyfer cyflogwyr a gweithwyr.
Elusen yw Working Families sy’n helpu rhieni a gofalwyr sy’n gweithio a’u cyflogwyr i ddod o hyd i gydbwysedd gwell rhwng cyfrifoldebau yn y cartref a’r gwaith. Mae gan yr elusen wybodaeth ddefnyddiol am ddychwelyd i’r gwaith a bwydo ar y fron.
Hefyd, mae gan NHS.uk rywfaint o wybodaeth am fwydo ar y fron a dychwelyd i’r gwaith ar gyfer gweithwyr a chyflogwyr.
Gallwch ffonio llinellau cymorth Working Families a Maternity Action os hoffech sgwrsio â rhywun am eich hawliau wrth ddychwelyd i’r gwaith. Hefyd, bydd gwirfoddolwyr y Llinell Gymorth Genedlaethol ar gyfer Bwydo ar y Fron (0300 100 0212) yn gallu rhoi gwybodaeth a chefnogaeth i chi am yr agwedd ymarferol ar barhau i fwydo ar y fron neu ddarparu llaeth y fron i’ch babi ar ôl i chi ddychwelyd i’r gwaith.
Os ydych chi’n gyflogwr, mae rhagor o wybodaeth am gynnig amgylchedd gwaith sy’n croesawu bwydo ar y fron ar gael yma ynghyd â chyfle i gofrestru ar gyfer ein cynllun am ddim, Croesawu Bwydo ar y Fron.
Dydy’r Rhwydwaith Bwydo ar y Fron ddim yn gyfrifol am gynnwys na dibynadwyedd y gwefannau hyn ac nid yw o reidrwydd yn cymeradwyo’r farn sy’n cael ei mynegi ynddyn nhw. Dydy’r ffaith bod y gwefannau hyn wedi’u rhestru ddim yn golygu ein bod yn eu cymeradwyo. Ni allwn warantu y bydd y gwefannau hyn ar gael drwy’r amser ac nid oes gennym unrhyw reolaeth ynghylch a ydyn nhw ar gael ai peidio.
Gwiriwyd y dolenni ym mis Awst 2024
Gallwch ddarllen rhai hanesion personol am ddychwelyd i’r gwaith wrth fwydo ar y fron isod:
Fe wnaeth Barbara ddychwelyd i’w gwaith fel athrawes pan oedd ei babi yn chwe mis oed. Yn sydyn bu’n rhaid iddi benderfynu beth i’w adael i’r babi pan oedd hi yn y gwaith. Sylwodd Barbara fod ei babi wedi arwain y ffordd trwy addasu i drefn y feithrinfa a bwydo mwy ar y fron yn y nos ac ar benwythnosau. Dilynwch y ddolen hon i ddarllen hanes Barbara a’i merch Rebecca sydd bellach yn 2½ oed ac yn parhau i gael ei bwydo ar y fron.