Mae BfN yn dysgu cefnogi cynhwysiant yr elusen mewn perthynas â rhywedd. Mae hyn yn bwysig i’n hymdrechion i sicrhau bod ein cefnogaeth yn dangos parch ac yn derbyn pob person sydd angen ein help ac sy’n defnyddio ein gwasanaethau.
Dyma rai dolenni i wefannau rydyn ni wedi bod yn ymchwilio iddyn nhw gan gynnwys darnau o destunau.
http://www.gendertrust.org.uk/gender-concepts-around-the-world/
Yn draddodiadol, dim ond 2 gategori o rywedd y mae’r Deyrnas Unedig wedi’u cydnabod; gwryw a benyw. Roedd pobl yn cael eu categoreiddio i raddau helaeth yn ôl sut roedd cymdeithas yn eu gweld nhw a’r organau cenhedlu y cawsant eu geni gyda nhw.
Yn gynyddol, mae mwy o bobl yn dechrau cydnabod efallai nad ydyn nhw’n ffitio’n daclus i gategori rhywedd deuaidd. Er mai dim ond yn weddol ddiweddar y mae cysyniadau o drydydd, pedwerydd, a phumed rhywedd, a phobl ryngryweddol, wedi dechrau cael eu derbyn yn y DU, mae llawer o ddiwylliannau y tu hwnt i’r byd gorllewinol â thraddodiad hirach o gofleidio’r syniadau hyn.
https://www.brook.org.uk/your-life/gender-a-few-definitions/
Mae rhywedd yn cyfeirio at sut mae pobl yn teimlo ac yn meddwl amdanyn nhw eu hunain, a sut maen nhw’n gwisgo, yn siarad neu’n symud. Gall hyn fod yn wahanol i’r ‘rhyw’ a roddwyd iddyn nhw pan gawson nhw eu geni. Mewn geiriau eraill, efallai y byddwch chi’n teimlo fel menyw er bod gennych chi bidyn, neu fel gwryw er bod gennych chi fwlfa, neu efallai y byddwch chi’n teimlo’n gymysgedd o’r ddau.
Mae’r iaith rydyn ni’n ei defnyddio wrth siarad am rywedd yn bwysig iawn oherwydd mae’n gallu cael effaith ar les pobl. Gall godi braw ar rywun; efallai y bydd pobl yn poeni na fyddan nhw byth yn deall y cyfan, yn pryderu bod iaith ac ieithwedd yn newid yn ddiarwybod iddyn nhw, neu’n ofni gwneud camgymeriad.
Yr hyn sy’n bwysig i’w gofio yw bod iaith yn bersonol; mae’n bosibl y bydd eich ystyron neu’ch defnydd chi o’r geiriau hyn yn wahanol i sut mae pobl eraill yn eu defnyddio nhw. Fydd pawb ddim eisiau cael eu hadnabod gan yr un termau, felly y peth pwysicaf yw sicrhau eich bod chi’n parchu hunaniaeth rhywun arall a’r labeli maen nhw’n dewis eu defnyddio. Ac rydych chithau’n haeddu’r un parch yn ôl.
Beth yw rhagenwau?
https://www.edi.nih.gov/blog/communities/what-are-gender-pronouns-why-do-they-matter
Gair sy’n disodli enw yw rhagenw, fel ei/ef, ei/hi, nhw/eu, ze/hir, e/em. Gall
gofyn i bobl ddefnyddio’r geiriau cywir, fel eich enw a’ch rhagenwau dewisol, fod yn frawychus, ond gall fod yn gam enfawr tuag at deimlo’n fwy cyfforddus fel unigolyn sy’n driw i chi eich hun.
Mae gofyn i rywun ddefnyddio eich rhagenwau cywir yn gais rhesymol ac yn rhywbeth y dylen nhw ei barchu. Hefyd, mae’n dderbyniol peidio â gwybod pa iaith rydych chi am ei defnyddio wrth gyfeirio atoch chi eich hun, a dylai pobl barchu hyn yn yr un modd.
Beth alla i ei wneud i fod yn gynghreiriad i bobl anneuaidd?
https://www.stonewall.org.uk/about-us/news/10-ways-step-ally-non-binary-people.
Mae sawl ffordd o gynnwys pawb, waeth beth fo’u hunaniaeth o ran rhywedd. Yn aml, mae ein hiaith a sut rydyn ni’n siarad yn cynnwys arwyddion rhyweddol cudd.
Unwaith y byddwn ni’n dechrau sylwi arnyn nhw, gallwn symud tuag at ddefnyddio iaith sy’n cynnwys pawb.
https://www.amnesty.org.uk/LGBTQ-equality/gender-identity-beginners-guide-trans-allies
Dydy’ch anatomi chi ddim yn pennu eich hunaniaeth rhywedd a dydy cyfundrefn “deuaidd o ran rhywedd” ddim yn gwneud hynny chwaith.
Beth yw’r gyfundrefn deuaidd o ran rhywedd?
Dyma’r syniad mai dim ond dau rywedd sydd yna – gwryw a benyw.
Mewn gwirionedd, mae rhywedd yn llawer mwy tebyg i sbectrwm – does dim byd terfynol a chaeth yn ei gylch ac mae gan rai pobl hunaniaethau rhywedd hylifol neu amrywiol.