yw fy maban yn sâl
Ydw i’n gallu parhau i fwydo ar y fron os yw fy maban yn sâl?
Gallwch. Bydd eich llaeth yn helpu eich baban i wella’n gyflymach, ac mae’r ffaith ei fod mor hawdd ei dreulio yn golygu ei bod yn haws i’ch baban amsugno’r calorïau a’r daioni o’ch llaeth chi nag o unrhyw hylif arall.
Mae bwydo ar y fron yn gysur mawr i’ch baban pan fydd yn sâl.
Mae rhagor o wybodaeth ar y tudalennau hyn:
https://www.nhs.uk/conditions/diarrhoea-and-vomiting/
ydw i’n cymryd meddyginiaeth neu’n cael triniaeth feddygol?
Mae gennym amrywiaeth o daflenni ffeithiau sy’n rhoi gwybodaeth am fwydo ar y fron wrth gymryd meddyginiaeth neu dderbyn triniaeth.
Os oes gennych chi gwestiynau eraill ar ôl darllen y rhain, gallwch chi anfon neges breifat at y fferyllwyr gwirfoddol sy’n rhan o’n tîm Cyffuriau mewn Llaeth y Fron ar eu tudalen Facebook neu drwy e-bost. Rhowch gymaint o wybodaeth â phosibl (oed y babi, dos, amlder ac enw’r feddyginiaeth neu’r cyffur).
ydw i wedi bod yn yfed alcohol?
Mae gennym daflen ffeithiau sy’n rhoi gwybodaeth am fwydo ar y fron ac yfed alcohol.
nad ydw i wedi llwyddo i roi’r gorau i ysmygu?
Mae’n dal yn llawer gwell bwydo ar y fron os ydych chi’n ysmygu. Bydd eich llaeth yn amddiffyn eich baban rhag rhai o effeithiau mwg. Os yw’n bosibl, cyfyngwch ar eich ysmygu i’r cyfnodau yn syth ar ôl bwydo ac ewch y tu allan os yn bosibl er mwyn lleihau’r mwg (mae hyn yn wir ar gyfer bwydo ar y fron a bwydo potel).
Mae rhai mamau yn gweld bod cadw siaced wrth y drws i orchuddio eu dillad a’u hamddiffyn rhag amsugno arogl mwg yn helpu.
Mae’n beth da annog pawb sy’n ymweld â chi i ysmygu y tu allan ac i ffwrdd o’ch ffenestri. Os ydych chi’n teithio gyda’ch baban mewn car, cofiwch gadw’r siwrne yn un ddi-fwg.
Ystyriwch ddefnyddio clytiau nicotin i leihau eich angen am sigarét. Mae’r rhain yn ddiogel i’w defnyddio wrth fwydo ar y fron a byddan nhw’n lleihau lefel y nicotin yn y llaeth sy’n dod o’r fron. Mae’n bwysig osgoi ysmygu yn yr un ystafell â’ch baban. Lawrlwythwch daflen ffeithiau y Rhwydwaith Bwydo ar y Fron ar Ysmygu a Rhoi’r Gorau i Ysmygu.
Dolenni wedi’u gwirio mis Mehefin 2025